Ledig stilling: Bedriftssjukepleiar i Sunnfjord

Bedriftshelse1 er ei offentleg godkjend bedriftshelseteneste som leverer førebyggande tenester innan helse, miljø og sikkerheit. Vi er eit tverrfagleg team på 55 medarbeidarar, med brei erfaring og eit godt renommé. Vi har god bransjekunnskap og legg vekt på fagleg oppdatering og utvikling. Med 12 bemanna kontor er Bedriftshelse1 den største lokalt forankra bedriftshelsetenesta på Vestlandet. Du finn meir informasjon om oss på www.bedriftshelse1.no

Bedriftssjukepleiar

Vi søkjer etter ein bedriftssjukepleiar, gjerne med nokre års erfaring, og kunnskap og interesse for arbeid med førebygging av helseutfordringar grunna arbeidet/arbeidsmiljøet. Ser du etter jobb med fleksible arbeidsvilkår og likar kundekontakt, godt fagmiljø og varierte utfordringar, send oss ein søknad!
Stillinga vil vere knytt til kontoret vårt i Førde, med heile Sunnfjord som arbeidsområde.

Dine hovudoppgåver vil vere:

• Psykososial rådgjeving til leiarar og tilsette hos kundane våre, og delta i psykososial faggruppe

• Undervisning på førstehjelpskurs, og anna opplæring på individ- og gruppenivå

• Helseundersøkingar og anna helsefagleg bistand utfrå fagbakgrunn/erfaring

• Yrkesvaksinasjonar

• Delta ved kartlegging av arbeidsmiljø i bedrifter/arbeidsmiljøundersøkingar

• Leiarstøtte, kollegastøtte, sjukefråversarbeid og utviklingsarbeid

• Delta i faggruppe for bedriftssjukepleiarar

• Oppfølging og kontaktansvar mot kundar

• Individuell tilrettelegging og rådgjeving

• Rådgjeving og bistand innan HMS/internkontroll

Kvalifikasjonar:

• Offentleg godkjend sjukepleiar

• Erfaring frå arbeid med psykososiale utfordringar i arbeidslivet

• Undervisningserfaring, gjerne helserelatert

• Gode kommunikasjonsevner og evne til å byggje relasjonar

• Evne til å jobbe i team, vere engasjert, uredd og initiativrik

• Fleksibel og sjølvstendig

• Gjerne erfaring frå bedriftshelseteneste eller anna relevant bakgrunn

• God munnleg og skriftleg framstillingsevne, van med å bruke dataverktøy

Vi tilbyr ei spennande stilling med gode kollegaer, konkurransedyktig løn, fast arbeidstid, helgefri og gode personalordningar, der du kan vere med å påverke jobbkvardagen. Vi har gode ordningar for kompetansepåfyll og personleg utvikling.

Vi har eit tverrfagleg og godt arbeidsmiljø. Referansar og personlege eigenskapar vert vektlagt. Jobben vil medføre ein del reising, så du må ha førarkort for personbil.

­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­For spørsmål, kontakt områdeleiar Tone Botten, tlf.: 48596496.

Søknad med cv og referansar sendast til: tone.botten@bedriftshelse1.no

Søknadsfrist: 16. juni 2025, men søknader blir fortløpande vurdert.