Ein god og berekraftig arbeidsplass – kva inneber det?

Hydro Årdal – berekraft i praksis i norsk industri!

Hydro Aluminium i Årdal har over fleire tiår utvikla ein industriarbeidsplass med sterkt fokus på både miljø og helse. Verksemda har arbeidd systematisk med tiltak som styrkjer både ytre miljø og arbeidsmiljø.

Innlegget vil gi innsikt i korleis Hydro kombinerer teknologisk utvikling, miljøsatsing og eit målretta HMS-arbeid for å bygge ein berekraftig arbeidsplass og eit sunt lokalsamfunn.

Ho er utdanna sivilingeniør, har lang erfaring frå norsk prosessindustri og har hatt fleire leiarroller ved anlegget, mellom anna som støyperisjef.

Korleis kan vi gjenbruke ressursane?

Envir spesialiserer seg på reinsing og gjenvinning av forureina jord og massar. Gjennom innovative løysingar bidreg verksemda til at ressursar kan brukast på nytt i staden for å bli deponerte. Bedrifta har samstundes sterkt fokus på trygg drift, gode HMS-rutinar og kompetanseutvikling for å sikre eit godt og sikkert arbeidsmiljø.

Kolbjørn er ein tydeleg pådrivar for sirkulærøkonomi og berekraftige løysingar i bygg- og anleggsbransjen, og har vore sentral i utviklinga av Envir som ei leiande miljøverksemd på Vestlandet.

SIMAS – ein grøn motor i Sogn

SIMAS IKS arbeider for å utnytte avfall som ressurs gjennom gjenvinning, ombruk og kompostering. Verksemda har ei sentral rolle i å redusere klimagassutslepp og miljøbelastning og er ein aktiv pådrivar for sirkulære løysingar i regionen.

Samtidig har SIMAS fokus på eit godt arbeidsmiljø med trygge arbeidsforhold, samarbeid og trivsel blant dei tilsette.

Dagny er direktør i SIMAS IKS. Ho har lang erfaring frå SIMAS-systemet og har hatt fleire leiarroller i verksemda før ho vart tilsett som direktør i 2023.

Lerum – eit lokalt firma med globalt miljøansvar

Lerum-konsernet har hatt ei spennande utvikling og arbeider aktivt med berekraft i heile verdikjeda. Dette omfattar tiltak som redusert plastbruk, auka bruk av resirkulert emballasje og meir energieffektiv produksjon.

Bedrifta kombinerer dette med ein sterk bedriftskultur der trivsel, inkludering og engasjement står sentralt.

Mathias Grehl er HR-leiar i Lerum og arbeider med å utvikle menneske, kultur og organisasjon i ei av dei mest tradisjonsrike merkevareverksemdene i Sogn. Han er oppteken av å byggje sterke fagmiljø, gode arbeidsplassar og ein organisasjonskultur der medarbeidarane får høve til å utvikle seg.

Randi Marie Sjøholt er administrerande direktør i Bedriftshelse1 og har lang erfaring frå både offentleg og privat sektor. Ho har tidlegare arbeidd i IBM og var med i oppbygginga av Direktoratet for forvaltning og IKT, som i dag er Digitaliseringsdirektoratet.

Dei siste 17 åra har ho hatt leiarroller som administrerande direktør i private verksemder. Sjøholt har utdanning innan datafag, marknadsføring, økonomi og jus, og har i tillegg ein Master i innovasjon og leiing ved NTNU. Med brei erfaring frå teknologi, digitalisering og leiing er ho ei tydeleg stemme innan arbeidsmiljø, helse og næringsutvikling.

Mona Biering er utdanna siviløkonom frå NHH og har over 20 års erfaring frå leiande stillingar innan bank og finans. Ho har tilleggsutdanning innan leiing, sal, merkevarebygging og berekraft.

Ho har brei erfaring med styrearbeid gjennom fleire styreverv og er særleg oppteken av å skape vekst og utvikling i bedrifter og organisasjonar. Dei siste åra har ho arbeidd med utvikling av gründer- og vekstbedrifter på Vestlandet.

Ståle er utdanna cand.polit. frå Universitetet i Bergen og har MBA frå Handelshøgskolen BI, med tilleggsutdanning innan jus, styrearbeid og berekraft.

Han har vore kommunedirektør (rådmann) i fleire kommunar, vore styreleiar i Norsk Rådmannsforum og hatt stillingar innan bank, forsikring og finans. Dei siste ti åra har han arbeidd med utvikling av gründer- og vekstbedrifter på Vestlandet. Som BAN-manager har han etablert, utvikla og drive to tidlegfase investornettverk i Bergen og Stavanger.